Osorou po dikoyu d guluu.. po?
komolengan tokou obas momutagad mananom parai. Bang kontok d tagad lod kinososoduon, moginodop nobo tu ogumu gamaan, amu awi sangngadau. Osorou ku po d okoro oku po, tumanud d apa om yama ku sominggu tantu moginodop tu mangawi do gamason.
Bang lod tagad, nunu nopo taakanon osonong ngawi kakanan.Waro po ikan masin, lado, limau om tusi, 3 piring tantu takano parai wagu awi ku mangakan. Baa, suwai ko iri mongonsur no dot mongo longo pisamayon dot bawing om bilis.. Huu... kaakan kou nopo ri, tolingo nga okito gama dot singkakasadap.
Mogium no dot lokos dit osomok-somok tu iri nobo panagaan no waig. Monuu gia kasari yama ku sumagou. Yoku bono, moinlungkab po do kowotuwan mogium do tongkuyu. Kombal kou no kokito dot tongkuyu dot olomok ot kulit do? komoyon tokou do "lamag" ka bo ri. Bang iri okito ku, polobuson ku wagu tu amu atamaan dot mangakan.. Bang it tongkuyu tangagagyo komoyon dot "tongkees", iri no kopiyo iumon ku tu osonong dot luguwon. Ngorup-ngorupon dot mangakan pososokon id lado om limau.. Hu iri nga ro nga okito kaakan.
